Friday, November 03, 2006

விமானம் ரிவர்ஸில் போகுமா?

நம்ம கடல் கணேசன் பதிவுல ஒரு அனானி கப்பலில் ரிவர்ஸ் கியர் உண்டான்னு கேட்டு இருந்தார். அப்படியே விமானங்களிலும் உண்டான்னு கேட்டுட்டு, இந்த கேள்வியை விக்கி பசங்க கிட்ட கேட்கலாமான்னு வேற கேட்டு இருந்தார். ரிவர்ஸ் கியர், Rivers கியர் இல்லை அப்படின்னு ஜோக் எல்லாம் கூட அடிச்சிருந்தார். இப்படி எல்லாம் அமர்க்களமா கேள்வி கேட்கற பார்ட்டிங்க பேரைச் சொன்னா தொடர்ந்து எழுதும் போது உங்களுக்குன்னு ஒரு அடையாளம் கிடைக்கும் இல்லையா? கணேசனும் அவரு கிட்ட கேட்கலாமுன்னு சொன்னாரே தவிர நம்ம கிட்ட கேள்வியை கேட்கவே இல்லை.சரி விடுங்க.

யாரு கேள்வி கேட்டாலும் பதில் சொல்ல வேண்டியதை கடமையாய் கொண்டிருக்கும் நாங்கள் இப்படி ஒரு நல்ல கேள்வி வந்திருக்கும்போது பதில் சொல்லாம விடுவோமா? முதலில் ஒற்றை வரியில் பதில் சொல்லி விடலாம்.

விமானங்களுக்கு ரிவர்ஸ் கியர் கிடையாது.

இப்பொழுது கொஞ்சம் விரிவாகப் பார்க்கலாம்.

விமானங்கள் முன்னே செல்ல தமது சொந்த சக்தியில் செல்ல முடியுமே தவிர பின்னால் செல்ல முடியாது. அதனால்தான் விமான நிலையங்களில் பயணிகளும் சரக்கும் ஏற்றப்பட்ட நிலையில் ஓடுதளத்திற்கு செல்ல tow trucks எனப்படும் ட்ராக்ட்டர்கள் தேவைப் படுகின்றன. இந்த ட்ராக்ட்டர்களினால் பின் தள்ளப் பட்டு மெதுவாக திரும்பி செல்ல வேண்டிய திசையை பார்த்து விமானங்கள் நின்ற பிறகு இந்த ட்ராக்ட்டர்களில் இருந்து விடுபட்டு, தனது உந்து சக்தியால் ஒடுகளத்தில் ஓடி, அதன் பின் மேலெழும்பி வானில் பறந்து செல்கின்றன.

இங்கு விமானங்களில் பொருத்தப்பட்டிருக்கும் என்ஜின்களைப் பற்றி கொஞ்சம் பேச வேண்டியதாய் இருக்கிறது. விமானத்தில் நிரப்பப்பட்டிருக்கும் எரிபொருள் எரிக்கப்பட்டு வாயுவாக மாற்றப்படுகிறது. இவ்வாயு மிகுந்த அழுத்தமான நிலையில் வைக்கப்படுகிறது. இவ்வாறு வைக்கப்பட்டிருக்கும் அறையிலிருந்து ஒரு சிறிய துளை மூலம் இந்த வாயு வெளிப்படுத்தப்படும் பொழுது அவ்வழுத்தத்தினால் ஏற்படும் உந்து சக்தியால் இவ்வாயு வெளிப்படும் திசைக்கு எதிர் திசையில் விமானம் தள்ளப்படுகிறது. இச்சக்தியை ஆங்கிலத்தில் Thrust என அழைக்கிறார்கள். ஒரு பலூனை ஊதி அதன் வாயைக் கட்டாமல் விட்டால் எப்படி பறந்து செல்கிறதோ அது போன்றுதான்.

இப்பொழுது வேறு ஒரு எடுத்துக்காட்டு ஒன்றை பார்க்கலாம். நம் முகத்தின் நேராக உள்ளங்கையை குழிவாக வைத்துக் கொண்டு ஊதினால், அவ்வாறு வெளியேரும் காற்று, மீண்டும் நம் முகத்தை நோக்கியே வருகிறது அல்லவா? அதைப் போன்று விமானங்களில் ஒரு அமைப்பு இருக்கின்றது. அதனை Reverse Thrusters என அழைக்கிறார்கள். நம் கை காற்றை மீண்டும் நம் முகத்திற்கே திருப்புவது போல், இந்த அமைப்பு எஞ்சினிலிருந்து வெளியேறும் வாயுவை அது பொதுவாக வெளியேறும் திசைக்கு எதிர் திசைக்கு தள்ளிவிடுகிறது. அதனால் விமானம் முன்னே செல்வதற்குப் பதிலாக பின்னால் செல்ல ஏதுவாகிறது.

பொதுவாக விமானம் தரையிறங்கி ஓடுதளத்தில் விரைவாக ஓடும் பொழுது இந்த ரிவர்ஸ் த்ரஸ்டர்களை பாவித்து விமானத்தின் வேகத்தை வெகுவிரைவில் குறைப்பார்கள். ஒரு விஷயம் ஞாபகத்தில் இருக்கட்டும். இங்கு ரிவர்ஸ் த்ரஸ்டர்களை உபயோகிக்கும் போது ப்ரேக் பிடிப்பது போல் இஞ்சின் வேகத்தைக் குறைக்காமல், வேகத்தை அதிகப்படுத்ததான் செய்வார்கள். இதன் மூலம்தான் தரையிறங்கிய விமானத்தை அவ்வளவு விரைவாக ஓடுகளத்தில் ஓட ஆரம்பித்தாலும் மிகச் சிறிய தூரமே ஓடிய பின் நிறுத்த முடிகிறது. இவ்வசதி இல்லாவிட்டால், ஓடுகளங்களின் நீளம் இன்று இருப்பதை விட பல மடங்கு நீளமாவதாகத் தேவைப்படும். சரி இந்த ரிவர்ஸ் த்ரஸ்டர்கள் மூலம் விமானங்களை பின்னால் செல்ல வைக்க முடியாதா? ஏன் செய்வதில்லை?

இதற்கு இரு முக்கியமான காரணங்கள் இருக்கின்றன. முதலாவது காரணம் பணம்! ஆமாம். விமானங்களின் இஞ்சின்களை இயக்கி அதன் மூலம் விமானத்தை பின் செல்ல வைப்பதை விட ஒரு ட்ராக்ட்டரின் மூலம் பின்னால் தள்ளுவதனால் செலவு குறைகிறது. விமான எரிபொருட்களின் விலையும், எஞ்சின்களின் தேய்மானமும் ட்ராக்ட்டரின் செலவை விட பலமடங்கு அதிகமாகிவிடும். எனவே டெக்னிக்கலாக விமானங்கள் தனது சொந்த உந்து விசையால் பின்னால் செல்ல முடிந்தால் கூட அது எங்கும் செய்யப்படுவதில்லை.

இரண்டாவது காரணம் என்ன? அதையும் பார்க்கலாம். விமானங்களில் பிரயாணிகளும் சரக்கும் ஏற்றப்படும் பொழுது விமானங்கள் விமானநிலையத்தைப் பார்த்தவாறு நிறுத்தப்படுகின்றன. இப்பொழுது ரிவர்ஸ் த்ரஸ்டர்கள் உபயோகிக்கப்பட்டால் இஞ்சினில் இருந்து வெளியேற்றப்படும் வாயுவானது அதிவேகத்தில் விமான நிலையத்தை நோக்கிதான் வரும். அதனால் விமான நிலைய கட்டடங்கள் பாதிப்படையும். அப்போது உடையும் கண்ணாடி ஜன்னல்களுக்கு யார் பதில் சொல்வது? அதனால்தான் ட்ராக்ட்டர்களை உபயோகிக்கிறார்கள்.

என்ன அனானி அவர்களே, பதில் புரிந்ததா?

107 comments:

said...

இது நான் தேடி கண்டுபிடிச்சு போட்ட தகவல்கள்தான். நம்ம கூட்டத்தில் யாராவது விமான தொழில்நுட்பம் தெரிஞ்சவங்க இருந்தா கொஞ்சம் அதிக விபரங்கள் தாங்களேன்.

said...

விமானம் ரிவர்சில் போகாது ! அதற்கு சைடு மிரர் இல்லை, 'வர்லாம் வா' சொல்வதற்கும் ஆள் இல்லை !

ஆகவே விமானம் ரிவர்சில் போகாது !

:)

said...

no te entiendo un carajo

said...

விமானம் தரையிரங்கும்போது இஞ்சினை அணைத்துவிடுவார்களாமே! உண்மையா?

said...

கோவியாரே,

கொஞ்சம் சீரியஸாவே சொல்லறேன். நீங்க சொன்ன காரணம் சரியில்லை. அங்க நம்ம பாண்டியராஜன் மாதிரி இடிச்சாச்சான்னு சொல்ல ஆளுங்க உண்டு. கையில் டேபிள்டென்னிஸ் பேட் மாதிரி ஒண்ணு வெச்சுக்கிட்டு சுத்துவாங்களே, அவங்கதான்.

இந்த டிராக்கட் மூலமா விமானத்தை பின்னாடி தள்ளறாங்களே அதுல ரெண்டு வகை இருக்கு.

முதல் வகை - Walkout. இதில் டிராக்ட்டர் ஓட்டுநரைத் தவிர கூட ஒருவர் நடந்து வருவார். (Walkout Assistant). இவர் வேலை நீங்கள் சொல்லும் 'வர்லாம் வா' தான். இவர்தான் காக்பிட்டில் இருக்கும் காப்டனும் டிராக்ட்டர் ஓட்டுநருடனும் பேசி சரியான தகவல்கள் கொடுத்து உதவுவார்.

இரண்டாம் முறை - SMPB எனப்படும் Single Man Push Back. இதில் டிராக்ட்டர் ஓட்டுநரே வாகவுட் அசிஸ்டண்டின் வேலையையும் பார்த்துக் கொள்வார்.

இப்போ என்ன சொல்றீங்க? ;-)

said...

When reverse thrusters are deployed vanes partially block the exhaust gases coming out the back of the engine, and some of the exhaust gas becomes diverted (to directions which are mostly up and down) from the back of the engine. Some of the exhaust gases, therefore, obtain a change in momentum, and it is the reverse- thruster vanes which provide the change in momentum. Therefore the vanes obtain momentum toward the back of the jet, since the engine and gases can be considered a closed system and so momentum is conserved, and since the vanes are attached to the engine and the engine is attached to the remainder of the aircraft, the aircraft is braked, or accelerated toward the rear.

தற்போது நடைமுறையில் இருக்கும் அதிகமா பயணிகள் விமானம் jet propulsion வகையை சார்ந்தது.இவைகளில்தான் reverse Thrust இருக்கும். flight simulater வாங்கி விளையாடிப்பாருங்கள் புரியும்.

said...

ப்ளேமிங்கோ,

தரையிறங்கும் போது இஞ்சினை அணைத்தால் அதோகதிதான். பொதுவாக தரையிறங்கி விமான நிலைய கேட் வரை சென்றபின் தான் அணைப்பார்கள். ஆனால் இறங்கும் பொழுதும், ஓடுகளத்தில் ஓடும் பொழுதும் வேகம் குறைக்க வேண்டும் என்பதால் முழு சக்தியில் இயக்கப்படுவதில்லை.

சில சமயத்தில், பழுது காரணமாக இஞ்சின் வேலை செய்யாமல், பைலட்டின் திறமையால் தரையிறக்கப் பட்ட சம்பவங்கள் உண்டு. ஆனால் அவை அவசர தரையிறக்கங்களாகவே கருதப்படும்.

said...

தகவலுக்கு நன்றி நாடோடி அவர்களே. நீங்கள் விமான தொழில் நுட்பம் பற்றி அறிந்தவரா?

said...

அப்படியே அது விடும் புகை பற்றியும் சொல்லுங்களேன். தாழ்வாக பறக்கும் விமானங்களில் புகை தெரிவதில்லையே ஏன்?

said...

அப்படியே விமானங்களின் புகை பற்றியும் சொல்லுங்களேன். தாழ்வாக பறக்கும் விமானங்களில் புகை தெரிவதில்லையே ஏன்?

said...

தகவலுக்கு நன்றி இலவசக்கொத்தனார் அவர்களே. நீங்கள் கல்யாண மண்டபம் மாதிரி சொந்தமா விமான நிலையம் ஏதாவது வாங்கிப் போட்டுள்ளீர்களா :-))

ஏன் கேட்கிறேன்னா, ஜிகே கேட்ட கேள்விக்குக் கூட "Walkout Assistant" பற்றிச் சொல்லி அசத்துறீங்க! போதாக்குறைக்கு விமானம் குறித்த பதிவுகள் வேற நிறைய போடறீங்க! அதான் விமானியின் அபிமானி ஆகலாமே என்று கேட்கிறேன்!

சூப்பர் பதிவு!!

said...

சரவணன்,

என்ன இந்த விமானங்கள் சப்ஜெக்ட்டை விட்டு வெளிய போக வேண்டாமா? நம்மாளுங்களைக் கேட்டு சொல்லறேன். கொஞ்சம் வெயிட் பண்ணுங்க.

said...

கொஞ்சம் ரெஸ்ட் எடுத்துட்டு வந்து கேள்வியைக் கேட்போம்னு இருந்தா இப்புடி நீங்களே ஆரம்பிச்சீட்டீங்க..

யார் கேட்டால் என்ன.. எல்லோருக்கும் இருக்கும் சந்தேகம் தீர்ந்தால் சரி தான்.. நானும் விமானத்தில் போகும் போது இதை கவனித்துள்ளேன்.. குறிப்பாக விமானம் இறங்கும்போது, இறக்கைப் பகுதிக்கு அருகே அமர்ந்து இருந்தால், அதில் உள்ள ப்ளேட் போன்ற தகடுகள் வெளியே(Slide ஆகி) வருவதை கவனித்து உள்ளேன்..

தொடருங்கள் விக்கிப் பசங்களே.. இனிமேல் தாமதம் இல்லாமல் கேள்வியைக் கொண்டு வந்து சேர்க்கிறேன்.. நன்றி.

said...

கே.ஆர்.எஸ்.

இன்னும் தூங்காம என்ன பண்ணறீங்க?!

//நீங்கள் கல்யாண மண்டபம் மாதிரி சொந்தமா விமான நிலையம் ஏதாவது வாங்கிப் போட்டுள்ளீர்களா :-))//

உஷ்ஷ்ஷ்! இதெல்லாம் வெளிய சொல்லக்கூடாது. அப்புறம் நமக்கு ஆகாத கட்சி ஆட்சிக்கு வந்தா அப்புறம் அது வழியா ரோடு போடறேன் பேர்வழின்னு இடிச்சாலும் இடிப்பாங்க. :)

//அதான் விமானியின் அபிமானி ஆகலாமே என்று கேட்கிறேன்! //

உங்களுக்கு அந்த ஆண்டவன் கருணை இருக்கு. எங்களுக்கு கூகிளாண்டவர் கருணை. பதில் சொல்லறோமே, சரியாத்தான் சொல்லுவோமேன்னு கொஞ்சம் மெனக்கிட்டு கண்டு பிடிக்கறதுதான். மத்தபடி நம்ம படிப்பு கூட எஞ்சினியரிங் இல்லை. அப்படி சந்தேகம் வந்தா நம்ம ஆளுங்க வந்து சரியாச் சொல்லி நம்மளை காப்பாத்த மாட்டாங்க? அந்த நம்பிக்கைதான்.

//சூப்பர் பதிவு!!//

நன்றி தலைவா!

said...

//தகவலுக்கு நன்றி நாடோடி அவர்களே. நீங்கள் விமான தொழில் நுட்பம் பற்றி அறிந்தவரா?//

நன்றி இலவசக்கொத்தனார் அவர்களே. நான் படித்தது B.E Mechanical என்பதால் சிறிது , விமானங்களின் Propulsion, gyroscope couples(picth,yaw,roll) பற்றி தெரியும். படித்து முடித்து பல வருடங்கள்் ஆகிவிட்டதால் Technical வார்த்தைகள் மறந்துவிட்டன்.

said...

கணேசனாரே, அதெல்லாம் ஒரு பில்டப்தான். அதுக்காக கோபப்பட வேண்டாம்.

தங்கள் pin sellingக்கு நன்றி.

(அதாங்க ஊக்குவிக்கறது!)

said...

//இரண்டாம் முறை - SMPB எனப்படும் Single Man Push Back. இதில் டிராக்ட்டர் ஓட்டுநரே வாகவுட் அசிஸ்டண்டின் வேலையையும் பார்த்துக் கொள்வார்.

இப்போ என்ன சொல்றீங்க? ;-) //

ஹி ஹி கொத்ஸ் தகவலுக்கு நன்றி !

விமான தொழில் நுட்பம் தெரியாதுங்க... எதோ மதி(?) நுட்பத்தால் சைடு மிரர் இல்லாததால் பின்னால் வருவதை பார்க்க முடியாது, அதனால் ரிவர்சில் சென்று ரிஸ்க் எடுக்கவில்லை என்று சொன்னேன்.

முதலில் சைடு மிரர் ஐடியாவை காபி ரைட் வாங்கனும், ரைட் சகோதரர்களுக்கே தெரியாத சைடு மிரர் டெக்னிக். போயிங் காரங்க இந்த பதிவை படிச்சிடப்போறாங்க !

:)

said...

நாடோடி, அடிக்கடி இந்த பக்கம் வந்து இந்த மாதிரி நல்ல தகவல்கள் எல்லாம் தாங்க. நாங்க எழுதறதும் சரியா இருக்கான்னு ஒரு பார்வை பாத்திடுங்க.

said...

கோவியாரே,

இப்போ எல்லாம் இங்க வர காருங்கள்ள பின்னாடி ஒரு காமிரா ஒண்ணு வெச்சு, பின்னாடி இருக்கறது டிரைவர் பக்கத்துல இருக்கிற ஒரு திரையில் தெரியற மாதிரி செஞ்சுட்டாங்க. ரிவர்ஸ் எடுக்கும் போது இந்த திரையைப் பார்த்தா போதும். கழுத்து வலிக்க திரும்ப தேவையில்லை.

அந்த மாதிரி மேட்டர் நம்ம விமானங்களிலும் இருக்கான்னு கேட்டுச் சொல்லறேன். இருந்த்துதுனா உம்ம காப்பிரைட் வெச்சிக்கிட்டு ஒரு காப்பி கூட வாங்க முடியாது. சொல்லிட்டேன்.

said...

மன்னிச்சுக்கோங்க தலைவா, நம்ம கதை இப்படி ஆகிப் போச்சு, காலையில் வந்து ஜோதியில கலந்துகிறேனே... :-)

said...

//அந்த மாதிரி மேட்டர் நம்ம விமானங்களிலும் இருக்கான்னு கேட்டுச் சொல்லறேன். இருந்த்துதுனா உம்ம காப்பிரைட் வெச்சிக்கிட்டு ஒரு காப்பி கூட வாங்க முடியாது. சொல்லிட்டேன்.//

இருக்குங்க கொத்தனாரே !

சிறீலங்கன் விமானத்தில் முன்பக்கம், பின்பக்கம், கீழே மற்றும் தேவையான இடங்களில் கேமரா பொறுத்தி இருப்பார்கள். அதை வீடியோ திரை மூலம் பயணிகளும் பார்க்கலாம் !

said...

கோவியும் நீயே, கேள்வியும் நீயே
கண்ணனும் நீயே, பதிலும் நீயே....

:-D

said...

பிளைட்ல டிக்கெட் வாங்காமே போகறதுக்கு எதாவது வழி இருந்தா சொல்லிவிடுங்க தலை.

said...

///
tokio bay crew represent in tha microfon said...
no te entiendo un carajo
///

யோவ் யாருப்பா நீ...

sdfij sdfojsdf sdflksdf

போதுமா !!!

said...

பின்னூட்டம் பின்னால போவுது !
அதுக்குத்தான் இந்த பின்னூட்டம் !
:)

said...

//கேள்வி கேட்கற பார்ட்டிங்க பேரைச் சொன்னா தொடர்ந்து எழுதும் போது உங்களுக்குன்னு ஒரு அடையாளம் கிடைக்கும் இல்லையா? கணேசனும் அவரு கிட்ட கேட்கலாமுன்னு சொன்னாரே தவிர நம்ம கிட்ட கேள்வியை கேட்கவே இல்லை.சரி விடுங்க.

யாரு கேள்வி கேட்டாலும் பதில் சொல்ல வேண்டியதை கடமையாய் கொண்டிருக்கும் நாங்கள் இப்படி ஒரு நல்ல கேள்வி வந்திருக்கும்போது பதில் சொல்லாம விடுவோமா? //

மிக்க நன்றிகள் இலவசம் / கடல் கணேசன். நான் தான் அந்தக் கேள்வியை கணேசன் அவர்கள் பதிவில் கேட்டிருந்தேன்.:-)))

said...

ஏறி உக்காந்தோன்ன சாக்லேட் குடுக்கற பாப்பா கூடவே முழுநேரமும் அன்பா பேசிக்கிட்டிருக்கிற மக்களுக்கு ப்ரண்ட்ல போனா என்ன ரிவர்ஸ்ல போனா என்ன?

மற்றபடி ரிவர்ஸ் த்ரஸ்ட் பற்றியெல்லாம் கருத்து கூற நமக்கு ப்ராக்டிகல் நாலெட்ஜ்...

(கொத்ஸு, போச்சு.. உம்ம கூட சேர்ந்து இந்தப்பதிவும் நாசமாப் போச்சு!) ;)

said...

அறிவுக்கு விருந்தளித்தமைக்கு நன்றி.

said...

//விமானம் ரிவர்சில் போகாது ! அதற்கு சைடு மிரர் இல்லை, 'வர்லாம் வா' சொல்வதற்கும் ஆள் இல்லை !//

ரிவர்ஸ் மேட்டரு நமக்கு தெரியாது. கேட்டு சொல்லுறேன்.
விமானம் விமான நிலையத்துக்கு வந்து நிறுத்தும் போதும், எடுக்கும் போதும், விமானத்துக்கு முன்பு ஒருவர் விசிறி மாதிரி(டேபிள் டென்னிஸ் பேட்) இருப்பதை வைத்துக் கொண்டு சிக்னல் கொடுப்பார். அதைக் கொண்டு தான் விமானி விமானத்தை சரியான இடத்தில் நிறுத்துவார்.

விமானம் முழுவதும் ஒரு இடத்தில் நிறுத்துப்படும் வரை இண்ஜின் அணைக்கப்படாது.

கடல் கணேசன், கேட்டதை நானும் கவனித்து உள்ளேன். விமானத்தை தரை இறக்கும் போது ஏற்படும் அழுத்தை குறைப்பதற்காக திறக்கும் என்று நினைக்கின்றேன்.

நாளை ஒரு விமான பயணம் இருக்கிறது. முடிந்தால் கேட்டு சொல்கிறேன்.

கொத்துஸ் எனக்கு ஒரு டவுட்
அம்மாம் பெரிய விமானத்துக்கே பெரும்பாலும் இரு பைல்ட் தான், தம்மாதுண்டு ஹெலிக்காப்டருக்கு ஏன் மூனு விமானி. சீக்கிரம் சொல்லுங்க. இல்லாட்டி நான் கேட்டு உங்களுக்கு சொல்லுறேன்.

said...

விமானம் சம்பந்தமா இன்னுமொரு கேள்வியும், பதிலும். விமானத்துக்கு எரிபொருள் நிரப்புவதைப் பலரும் பார்த்திருக்கலாம். மற்ற வாகனங்களுக்கு நிரப்புவது போல் இல்லாமல் விமானத்துக்கு எரிபொருளை 'ஏற்றுவார்கள்'. உதாரணமாக காருக்கு பெட்ரோல் டாங்கின் மேலிருந்து கீழே வரும். ஆனால், விமானத்துக்கு அதன் தொப்பையில் ஒரு டியூபை செலுத்தி எரிபொருளை (இதுவும் ஒரு விதமான பெட்ரோல்தான்) மேலே ஏற்றுவார்கள். ஏன் தெரியுமா?

இதற்கும் காரணம் இருக்கிறது. கீழேயிருந்து எரிபொருள் மேலே செல்லும் போது செலவு குறைவு! உண்மைதான்!! மொத்த எரிபொருளையும் விசையோடு விமானம் உயரத்திற்கு ஏற்றி பின் புவியீர்ப்பு விசையின் உதவியுடன் கீழே அனுப்புவதை விட, விமானத்தின் அடிப்பகுதி வரை மட்டுமே ஏற்ற தேவையான விசை குறைவு. அதற்குப் பின், எரிபொருள் செலுத்தும் குழாய் அளவுக்குத் தான் டாங்கினுள் திரவத்தை மேலே ஏற்ற வேண்டும், அதுவும் திரவத்தின் மேல் மட்ட உயரம் வரைதான். அதனால் மொத்த எரிபொருளையும் விமானத்தின் கூரை வரை ஏற்ற வேண்டிய தேவையில்லை.

ரங்கா.

said...

ஒரு லேசான கேள்வி...ஆனா அதுக்குள்ள எவ்வளவு தகவல்கள். அடேங்கப்பா...கொத்ஸ் நல்லா தேடிக் கண்டு பிடிச்சிருக்கீரய்யா.

ரங்கா சொன்ன தகவலும் எனக்குப் புதிதே.

அது சரி...ஏரோப்பிளேன்லா கியரே இல்லைங்குறப்போ....ரிவர்ஸ் கியர் மட்டும் ஏனாம்?

said...

விமானத்தின் சக்கரங்கள் எந்திரத்தால் இயக்கப்படுவதில்லை. விமானத்தின் எந்திரங்கள் காற்றை உள்ளிழுத்து வெற்றிடத்தை ஏற்படுத்தியோ அல்லது காற்றை வெளியெ தள்ளி விசையை ஏற்படுத்தியோ விமானத்தை முன்னே தள்ளுகின்றன. இவ்வாறு முன்னே தள்ளப்படும் விமானங்களின் சக்கரங்கள் சுழல்கின்றன. எனவே சக்கரங்களை மற்ற வாகனங்களில் உள்ளது போல் கட்டுப்படுத்த இயலாது.

variable pitch propeller விமானங்கள் மற்றும் turbine engine விமானங்களில் எந்திரங்களை இருபுறமும் சுழலச் செய்ய முடியும். இதற்கு முக்கிய காரணம் இவ்வகை விமானங்கள் பறக்க மிகுந்த வேகம் வேண்டும். அதே போல் இவை தரையிறங்கும் பொழுதும் மிகுந்த வேகத்தில் வரும். ஏறக்குறைய நூறு கல் வேகத்தில் வரும் இவ்விமானங்களை நிறுத்த சருக்குகளைப் பயன்படுத்தினால் இரண்டு மூன்று முறை நிறுத்தியபின் அவற்றை மாற்ற வேண்டி இருக்கும். எனவே reverse thrust மூலம் விமானங்களின் வேகத்தைக் குறைத்து பின் சருக்குகளின் மூலம் நிறுத்துவர்.

விமானங்கள் தரையிறங்கும் பொழுது எந்திரங்களின் வேகத்தைக் குறைத்து விடுவர். திடீரென்று எந்திரங்களின் வேகம் குறைவது நமக்கு எந்திரங்கள் நின்று விட்டது போல் தோன்றும். காற்றில் விமானத்தின் வேகம் (airspeed) விமானம் பறக்க முக்கியமான ஒன்றாகும். இவ்வேகம் குறைந்தால் விமானம் கீழே விழுந்து நொறுங்கி விடும். ஆனால் தரையிறக்கும் பொழுது விமானம் அதே வேகத்தில் வந்தாலும் அதே ஆபத்து இருக்கிறது. எனவே குறைந்த வேகத்தில் விமானம் பறக்க தகடுகளை (flaps) கீழே இறக்கி விடுவர். glide speed எனப்படும் வேகத்தில் மட்டுமே விமானம் ஆபத்தின்றி தரையிறங்க முடியும். இது விமானம் பறக்கும் வேகத்தை விட பல மடங்கு குறைவாகும்.

தரையை நோக்கி வரும் விமானம் இறக்கைகளின் அளவு போல் இருமடங்கு உயரத்தில் இருக்கும் பொழுது விமானத்தை நேராக்கிச் செலுத்துவர். அப்பொழுது விமானத்தின் எடை காரணமாக விமானம் காற்றில் மெல்ல புதைந்து தரையைத் தொடும். தரையைத் தொட்டதும் எந்திரங்களின் சுழற்சியை மாற்றுவதன் மூலம் விமானத்தின் வேகத்தை பெருமளவு குறைத்து பின் சருக்குகளைப் பயன்படுத்தி விமானத்தை நிறுத்துவர்.

விமானத்தை தள்ளுவதற்கு எந்திரங்கள் வலிமையுடன் இயங்க வேண்டும். இதனால் எரிபொருள் செலவு காரணமாக பின்னால் இயங்க இவற்றைப் பயன்படுத்துவது இல்லை.

விமானங்களில் இருந்து வரும் புகைக்குக் காரணம் விமானத்தில் இருந்து வரும் காற்றில் நீராவி நிறைந்து இருப்பது தான். 30000 அடி உயரத்தில் உறைநிலை வெப்பம் இருப்பதால் நீராவி உடனே உறைந்து பனிக்கட்டியாகி விடுகிறது. இதுவே நாம் தரையிலிருந்து காண புகை போன்று தோன்றுகிறது.

மூவர் இயக்கும் விமானங்களை (aircraft / helicopter) நான் இதுவரை பார்த்ததுமில்லை கேள்விப் பட்டதுமில்லை. ஏதாவது சுட்டி இருந்தால் கொடுங்கள். பொதுவாக ஒருவரே போதுமென்றாலும் இரு விமானிகள் இருப்பர். ஒருவர் ( co-pilot )தான் விமானத்தை ஓட்டுவார். மற்றவர் ( pilot in command) வழிகாட்டுவதுடன் தேவைப்படும் நேரங்களில் (மோசமான பருவநிலையில் / காற்றில் ) விமானத்தை தன் கடடுப்பாட்டில் எடுத்துக் கொள்வார். PIC தான் விமானத்திற்கு முழு பொறுப்பு.

said...

இப்படி கேள்வியே கிடைக்கல என்பதற்காக தேடி போயா பதில் சொல்லுவாங்க

said...

//அதன் தொப்பையில் ஒரு டியூபை செலுத்தி எரிபொருளை (இதுவும் ஒரு விதமான பெட்ரோல்தான்) மேலே ஏற்றுவார்கள். ஏன் தெரியுமா?//அது என்னா எரிப்பொருள் தெரியுமா, நம்ம வீட்ல உபயோகப்படுத்திற கிருஷ்ணாயில், அதாவது மண்ணெண்னை, அதாவது அதற்கு டெக்னிக்கல் பேரு Aviation Turbine Fuel (AFT), கொஞ்சம் உசத்தியா சுத்திகரிக்கப்பட்ட எண்ணெய், ஆனா அது மண்ணெண்னை ஜாதி, நீங்க சொல்ற மாதிரி பெட்ரோல் இல்லை, நம்ம காருக்கு ஊத்திற பெட்ரோலை போட்டு ஓட்டினீங்கன்னா, அவ்வளவுதான்! மேலே எம்பி வானத்திலே போனோன வெடிச்சி சிதறும்! ஏன்னா, இந்த பெட்ரோல், அதுக்கு டெக்னிகல் பேரு 'Motor Spirit', ரொம்ப லேசான வஸ்து, அதனோட 'Vapour cloud' விமானம் எம்பி மேலே போறப்ப, ஏற்படும் உராய்வால தீப்பிடிச்சுக்கும், அதனால கொஞ்சம் கனமான மண்ணெண்னைய் உபயோகப்படுத்தி ஓட்றாங்க! இதே காரணத்தாலே, நம்ம வீடுகள்ளேயும் மண்ணெண்னை தான் ஸ்டவுக்கு உபயோகபடுத்துறோம், பெட்ரோல் ஊத்தாம! அப்ப அப்ப பம்பு ஸ்டவு வெடிச்சி சாவு விழுறதும் நான் மேலே சொன்ன காரணம் தான், அழுத்திலே வெளியிலே இருக்கிற 'Vapour cloud' பத்திக்கிறதாலே! (வரதட்சணை கொடுமையிலே ஸ்டவு வெடிச்சி இறக்கும் பொண்ணுங்க கதை வேறே!)

said...

நாதர், கிருஷ்ணாயில் மேலே உள்ள டெம்பரச்சரில் உறையாது. பெட்ரோல் உறைந்து கட்டியாகிவிடும் இதுவும் ஒரு காரணம்

said...

கொத்தனார்,

ப்ளேன் ரிவர்ஸில் வானத்தில் போகாதா?

said...

தலைவா கொத்ஸ்,

எனக்கு இந்த டெக்னாலஜி சமாச்சாரம் எல்லாம் ஒண்ணும் புரியறதில்லை. ஆர்ட்ஸ் ஸ்டூடண்டுப்பா.ஆக மொத்தம் விமானம் ரிவர்சில் போகாதுன்னு மட்டும்தான் புரிஞ்சது.

said...

//மிக்க நன்றிகள் இலவசம் / கடல் கணேசன். நான் தான் அந்தக் கேள்வியை கணேசன் அவர்கள் பதிவில் கேட்டிருந்தேன்.:-)))//

லதாக்கா, நீங்கதானா அது? அது என்ன இப்போ எல்லாம் இந்த மாதிரி அனானி வேஷம் கட்டிக்கறீங்க? போனா போகட்டும். இனி உங்க பேருலையே எழுதுங்க.

சரி, கேட்ட கேள்விக்கு பதில் சொல்லியாச்சு. புரிஞ்சுதா? :-D

said...

//(கொத்ஸு, போச்சு.. உம்ம கூட சேர்ந்து இந்தப்பதிவும் நாசமாப் போச்சு!) ;)//

யோவ்,ஒழுங்கா பதில் சொல்லறது நானு. எடக்கு மொடக்கா பதில் சொல்லறது நீயி. ஆனா என்னால இந்த பதிவு நாசமாப் போச்சா?! நல்லா இருங்கடா சாமிங்களா!

said...

//அறிவுக்கு விருந்தளித்தமைக்கு நன்றி.//

லொடுக்கு. வந்து சிறப்பித்தமைக்கு நன்றி! :)

said...

//ரிவர்ஸ் மேட்டரு நமக்கு தெரியாது. கேட்டு சொல்லுறேன்.//

அதைத்தானே இவ்வளவு விலாவரியா சொல்லி இருக்கோம். அப்புறமும் தெரியாதுன்னா என்ன அர்த்தம்?

//தம்மாதுண்டு ஹெலிக்காப்டருக்கு ஏன் மூனு விமானி.//

எனக்கு தெரிஞ்ச வரை அதுலயும் ஒண்ணோ ரெண்டோதானே. எங்க இருந்து வந்தது மூணு?

நான் ஒரே ஒரு முறைதான் போய் இருக்கேன். அப்போ ஒரு விமானிதான். அவரு பக்கத்து சீட்ல நம்ம தங்கமணிதான் உக்காந்தாங்க.

said...

ரங்கா,

நல்ல தகவல். நன்றி.

இந்த மாதிரி நிறையா புது தகவல்கள் வந்தா எவ்வளவு இண்டரெஸ்டிங்கா இருக்கு பாருங்க.

said...

//ஒரு லேசான கேள்வி...ஆனா அதுக்குள்ள எவ்வளவு தகவல்கள். அடேங்கப்பா...கொத்ஸ் நல்லா தேடிக் கண்டு பிடிச்சிருக்கீரய்யா.//

நன்றி தலைவா!

//அது சரி...ஏரோப்பிளேன்லா கியரே இல்லைங்குறப்போ....ரிவர்ஸ் கியர் மட்டும் ஏனாம்?//

அண்ணா, நாங்க கியரைப் பத்தி எங்கனாச்சும் பேசி இருக்கோமா? வண்டி பின்னாடி போவுமா, போவாதா? அதான் பேச்சு.

said...

ப்ளோரியாரே, நல்ல தகவல்கள் தந்ததுக்கு நன்றி.

said...

//இப்படி கேள்வியே கிடைக்கல என்பதற்காக தேடி போயா பதில் சொல்லுவாங்க//

இப்படி குண்டக்க மண்டக்கன்னு பேசறதுக்குப் பதிலா நல்ல கேள்வி ஒண்ணு கேட்டா, நாங்க ஏன் தேடிப் போறோம்?

said...

வெ.க.நாதரே,

இவை எல்லாம் ஒரே கச்சா எண்ணையில் இருந்து வருவதுதானே. கச்சா எண்ணை சுத்திகரிக்கப் படும் பொழுது வெளிப்படும் வெவ்வேறு விதமான பொருட்களும் துணை பொருட்களும் பற்றி நீங்களோ கால்கரியாரோ ஒரு பதிவு எழுதித்தாங்களேன்.

said...

//நாதர், கிருஷ்ணாயில் மேலே உள்ள டெம்பரச்சரில் உறையாது. பெட்ரோல் உறைந்து கட்டியாகிவிடும் இதுவும் ஒரு காரணம்//

பாத்தீங்களா! இவ்வளவு மேட்டர் இருக்கு சாமி, தனிப்பதிவா ஒண்ணு எழுதிக் குடுங்க போடலாம்.

said...

//ப்ளேன் ரிவர்ஸில் வானத்தில் போகாதா?//

அதுக்கு கிஸ்னாயில் போட்டா போதுமா? அதுக்கு நீங்க ஆஸ்டின் போயி போட்ட சரக்கெல்லாம் போட்டா பின்னாடி என்ன, முன்னாடி பின்னாடி, மேல கீழ, இந்தப்பக்கம் அந்தப் பக்கமுன்னு விட்டுவிளையாடாது?!

said...

//தலைவா கொத்ஸ்,

எனக்கு இந்த டெக்னாலஜி சமாச்சாரம் எல்லாம் ஒண்ணும் புரியறதில்லை. ஆர்ட்ஸ் ஸ்டூடண்டுப்பா.ஆக மொத்தம் விமானம் ரிவர்சில் போகாதுன்னு மட்டும்தான் புரிஞ்சது.//

ஏம்பா செல்வன், நீர் வந்து தெரியலை, புரியலைன்னு சொல்லலாமா?! :-D

இதுல நம்மளை தலைவான்னு கூப்பிட்டு ஒரு வழியாக்கி, ஒரு பொது மாத்துக்கு ஏற்பாடு பண்ணிட்டு வந்தா மாதிரி இருக்கே!!

said...

கொத்தனாருக்கு,

நிறைய பயனுள்ள தகவல்கள். மிக நன்றாக இருக்கிறது. நிறைய எழுதுங்க. how stuff works

இப்போ எனக்கு மூன்று கேள்விகள்... ஒரே பதிவில் பதில் சொன்னாலும் சரி, அல்லது தனித்தனி பதிவுகள் போட்டாலும் சரி... எனக்கு பதில் தெரிஞ்சா சரி! :-)

அ) விக்கிப் பசங்க-னு போட்டிருக்கீங்களே, உங்க குழுமத்துல யாரு அந்தப் பசங்க? (தேடிப் பார்த்திட்டுதான் கேக்கறேன்)

ஆ) நீங்க எப்பவுமே இலவசமாத்தான் கொத்துவீங்களா? அப்போ புவாவுக்கு என்னப் பன்றீங்க? (கிண்டல் எல்லாம் இல்லீங்க... ஒரு curiousity-தான்)

இ) //இதுல நம்மளை தலைவான்னு கூப்பிட்டு ஒரு வழியாக்கி, ஒரு பொது மாத்துக்கு ஏற்பாடு பண்ணிட்டு வந்தா மாதிரி இருக்கே!! //
பொது மாத்து பார்த்து (படிச்சு) ரொம்ப நாளாச்சு... இது எப்போ???

said...

விக்கி பசங்களுக்கு ஒரு கேள்வி

இந்த பாஷன் டிவிலே லாட்ட்ர டிரஸ் எல்லாம் எந்த கடையிலே கிடைக்கும்? என்ன விலை? யார் வாங்குவாங்க? அதை போட்டுகிட்டு தைரியமா ரோட்டிலே நடக்க முடியுமா?

said...

சரிதான்
நன்றாக இருக்கிறது கேள்வியும் பதிலும்.

கொத்ஸ்
1.கேள்விகள் தோன்றுவது எப்படி?

2.கேள்வி என்று கேட்டுவிட்டால் உடனே பதில் சொல்லத் தோன்றுவது
ஏன்?

லக்கிலுக் உங்களுக்கு இலவசமா விளம்பரம் செஞ்சாலும் செஞ்சார்.

நாங்களும் விளம்பரம் குடுத்திருக்கிறோம் இலவசம்:-)

said...

ரொம்ப சுலபம் வேந்தன்.
உங்களை 'இறங்கி' தள்ளச் சொல்லுவாங்க. :-)

உருப்படியான விசயத்தைத் தெரிந்து கொள்ளும்போதும் உருப்படாத கேள்விகளுக்கும் பஞ்சமில்லை என்பதைப் புரிந்து கொள்ள முடிகிறது.

நல்லா இருங்கடே!!

சாத்தான்குளத்தான்

said...

வாங்க ஸ்ரீதர் வெங்கட்,

நீங்கதான் 50ஆவது பின்னூட்டம்!

உங்க கேள்விகளுக்கான பதில்கள்.

அ) நம்ம பக்கத்தில் Contributors அப்படின்னு ஒரு பகுதி இருக்கு பாருங்க.அதுல இருக்குறவங்கதான் இந்த பசங்க. எல்லாம் சின்ன வயசுதான் - மனதளவிலாவது!

ஆ) கொத்துவது இலவசம்தான். அதுக்குச் சேர்த்து வெச்சுதான் நம்மளைக் கொத்த ஒரு மேனேஜர் இருக்கானே, அவன் பார்த்துப்பான் நம்ம பூவாவை!

இ) கிளம்பிட்டாங்கய்யா, கிளம்பிட்டாங்க. (இதை எடுத்தாள அனுமதி கொடுத்த கைப்புள்ளைக்கு நன்றி)

சந்தோஷமா? இனி அடிக்கடி வந்து கேள்வி கேளுங்க.

said...

//இந்த பாஷன் டிவிலே லாட்ட்ர டிரஸ் எல்லாம் எந்த கடையிலே கிடைக்கும்? என்ன விலை? யார் வாங்குவாங்க? அதை போட்டுகிட்டு தைரியமா ரோட்டிலே நடக்க முடியுமா?//

அட என்ன சிவா இது, இப்படி ஒரு கஷ்டமான கேள்வி கேட்கறீங்களே. நம்ம விக்கி பசங்கள்ல யாருப்பா பாஷன் டீ.வி. பாக்கறது?

அது சரி அது என்னாதுபா லாட்ட்ர டிரஸ்?

said...

//எனக்கு ஒரு பெரிய சந்தேகம். பஸ் , கார் எல்லாம் இடையில் ஸ்டார்ட் பண்ணும் போது மக்கர் பண்ணினா தள்ளிவிட்டு ஸ்டார்ட் பண்ணுவோமே அதேமாதிரி விமானம் இடையில் மக்கர் பண்ணினா, என்ன மக்கா பண்ண?//

ஏம்ப்பா ஸ்டார்ட்னா ஆரம்பம்தானே, காரு பஸ்ஸுக்கு மட்டும் ஆரம்பத்தில மக்கர் ஆனா என்ன ஆகும்ன்னு கேட்டுட்டு விமானத்திக்கு மட்டும் இடையில் பிரச்சனைனா என்ன பண்ணன்னு கேட்டா நியாயமா?

இருக்கட்டும். இப்போதான் சன் டீவி பார்த்தேன். இடையில் பிரச்சனை இருந்தா ப்ராஞ்ச் ஆயில் தடவிக்க சொன்னாங்க. ப்ளேன் இடையில் மக்கர் பண்ணிச்சின்னா அங்க இருக்கிற ஏர் ஹோஸ்டஸ் ப்ராஞ்ச் ஆயில் தடவி நீவி விடுவாங்க சரியா போயிடும்.

said...

மதுக்கா,

வாங்க. உங்க வாழ்த்துக்கு நன்றி.

உங்களுக்குமா கேள்விகள்? உங்க கேள்விகள் ரொம்ப தத்துவார்த்தமா இருக்கு. கொஞ்சம் டயம் வேணும்.

லக்கியாருக்கு போயி நன்றி சொல்லியாச்சு. இப்போ உங்களுக்கும் நன்றி. (ஆமா, என்னிய வெச்சி காமெடி கீமடி பண்ணலையே)

said...

அட யாருவே இது? நம்ம சாத்தாங்குளத்தாரா? இங்க என்னவே செய்யுத? இந்த பக்கமா வர வழி எல்லாங்கூட தெரியுமா? வாரும்வே வாரும்.

அட, இந்த மாதிரி கேள்விக்கெல்லாமா டென்சனாகி மூஞ்சிய தூக்கி வெச்சுக்கறது. எல்லா எடத்துலயும் இந்த மாதிரி ஆளு ஒருத்தன் வேணுமுல்லா. அப்பந்தான் இவன் பேச்சைக் கேக்க வந்து வேடிக்க பாக்குறவன் காதுல நம்ம பேசுறதும் போவும். இருந்துட்டு போட்டும், என்ன நாஞ்சொல்லறது?

said...

உங்க புண்ணியத்தில நல்ல பல தகவல்கள் தெரிஞ்சுக்க முடிஞ்சது. நன்றி.

said...

வளரும் விக்கிபீடியாவிற்கு வாழ்த்துக்கள்!
கேள்விகள் சுஜாதா டைப் தானா, இல்லை மதன், அரசு, அந்துமணி வகை கேல்விகளும் கேட்கலாமா?

said...

இந்த மாதிரி வந்து ஊக்குவிப்பதற்கு நன்றி ஜெயஸ்ரீ. இந்த பதிவின் நோக்கமே கொஞ்சமாவது புது தகவல்கள் தெரிஞ்சிக்கறதுதான். இந்த மாதிரி நிறைய பேர் ஆர்வமா வந்தா, எங்களுக்கும் சந்தோஷமா இருக்கும். மீண்டும் நன்றி.

said...

//வளரும் விக்கிபீடியாவிற்கு வாழ்த்துக்கள்!//

மணியன் வாழ்த்துகளுக்கு நன்றி. இப்படி அடிக்கடி வந்து போயிகிட்டு இருங்க. அதான் எங்களுக்கு தெம்பா இருக்கும். ஆனா வந்ததை சொல்லணும். இல்லைன்னா எப்படி தெரியும். :)

//கேள்விகள் சுஜாதா டைப் தானா, இல்லை மதன், அரசு, அந்துமணி வகை கேல்விகளும் கேட்கலாமா?//

அதென்னங்க சுஜாதா கேள்வி, மதன் கேள்வின்னு? என்ன வேணா கேளுங்க. ஆனா அந்த பதிவை படிச்சா கொஞ்சமா நமக்கு ஒரு புது தகவல் கிடைச்சா நல்லது. அதனால யார் உதடு அழகு? போன்ற கேள்விகள் வேண்டாமே...

said...

நல்ல பல தகவல்களைச் சொல்லிருக்கீங்க கொத்ஸ். நான் கூட அத்துனூண்டு டிராக்டர் பல டன் எடை கொண்ட அவ்வளவு பெரிய விமானத்தை எப்படி தள்ளும், ஒரு வேளை தள்ளும் போது விமானத்தின் எஞ்சினும் வேலை செய்யுதான்னு நெனச்சேன். உங்க பதிவைப் படிச்சதும் தெளிவாகிடுச்சு. நன்றி

said...

ஒரு பிழைதிருத்தம்

//அது சரி அது என்னாதுபா லாட்ட்ர டிரஸ்?//

லா = கா

லாட்ட்ர = காட்ட்ர

எதைக் காட்ட்ர என்ற கேள்வி வேண்டாம். பதில்தான் வேண்டும்

said...

இதே மாதிரி எனக்கும் ஒரு பெரிய சந்தேகம் உண்டு... formula-1 formula-1 அப்படினு சொல்றேங்களே...அந்த காருக்கும் ரிவர்ஸ் கியர் உண்டா இல்லயா... :-)

said...

எனக்கு இருந்த சந்தேகத்துல வாழ்த்து சொல்ல மறந்துட்டேன் பாருங்க...

உங்கள் சேவை தொடர வாழ்த்துக்கள்!!!

said...

குமரன் சொன்னது...

அருமையான கேள்வி. அதனை விட மிக மிகச் சிறப்பான பதில் பதிவும் பின்னூட்டங்களும். வாழ்க வளர்க.

said...

//நான் கூட அத்துனூண்டு டிராக்டர் பல டன் எடை கொண்ட அவ்வளவு பெரிய விமானத்தை எப்படி தள்ளும், ஒரு வேளை தள்ளும் போது விமானத்தின் எஞ்சினும் வேலை செய்யுதான்னு நெனச்சேன்.//

கைப்ஸ், மூர்த்தி சிறிதானாலும் கீர்த்தி பெருசுங்க. முழுதாக சரக்கேற்றப்பட்ட (பயணிகளையும் சேர்த்துத்தான்) விமானங்களை அந்த டிராக்ட்டர்களால் தள்ள முடியும். அதற்கு தேவையான அளவு குதிரைசக்தி கொண்ட இஞ்சின்களை கொண்டவை இந்த டிராக்ட்டர்கள். இவைகள் விமானங்களைப் பின்னால் தள்ளும் பொழுது விமாங்களின் இஞ்சின்கள் இயக்கப்பட மாட்டா.

//உங்க பதிவைப் படிச்சதும் தெளிவாகிடுச்சு.//

அடுத்தது சரக்கைப் பற்றி போடுவோமா? தெளிஞ்சது எல்லாம் திரும்பி மப்பாகிடும். அப்புறம் நீங்களும் தெளிய வெச்சு தெளிய வெச்சு அடிக்கிறாங்கப்பான்னு வசனம் பேசலாம்!

said...

//எதைக் காட்ட்ர என்ற கேள்வி வேண்டாம். பதில்தான் வேண்டும்//

யோவ் கால்கரி,

எங்களை மாதிரி சின்னப் பசங்க கிட்ட கேட்க வேண்டிய கேள்வியாய்யா இது? கொஞ்சம் கூட வெவரமில்லாம.

(இருக்கட்டும் இருக்கட்டும். இது பத்தி நம்ம யாஹூ சேட்ல பேசிக்கலாம். ஹிஹி)

said...

//இதே மாதிரி எனக்கும் ஒரு பெரிய சந்தேகம் உண்டு... formula-1 formula-1 அப்படினு சொல்றேங்களே...அந்த காருக்கும் ரிவர்ஸ் கியர் உண்டா இல்லயா... :-)//

அட என்னங்க ஷ்யாம். சந்தேகம் இருந்தா கேட்க வேண்டியதுதானே. பார்முலா1 கார்களிலும் ரிவர்ஸ் கியர் கிடையாது. அங்க காரின் எடையை எவ்வளவு குறைக்கிறோமோ அவ்வளவு நல்லது. அதனால ரிவர்ஸ் கியர் இல்லை.

நீங்க கூட ரேஸ் நடக்கும் போது பாத்திருக்கலாம். போட்டியில் இருந்து விலகும் கார்களை அங்கு இருக்கும் Pit Crew கையால் தள்ளிச் சென்றுதான் கராஜ் உள்ளே நிறுத்துவார்கள்.

said...

//உங்கள் சேவை தொடர வாழ்த்துக்கள்!!!//

நன்றி ஷ்யாம். நீங்க எல்லாம் வந்து உங்க அன்பும் ஆதரவும் குடுங்க. இன்னும் நல்லா கொண்டு போகலாம்.

said...

//அருமையான கேள்வி. அதனை விட மிக மிகச் சிறப்பான பதில் பதிவும் பின்னூட்டங்களும். வாழ்க வளர்க.//

பின்னூட்டத்துக்கு கோனார் நோட்ஸ் போட்ட குமரனால் இங்க பின்னூட்டமிட முடியவில்லையா? அந்தகோ இஃது என்ன கொடுமை!

வாழ்த்துக்களுக்கு நன்றி குமரன். நீங்களும் ஒரு பதிவு எழுதித்தாங்களேன்.

said...

இதுக்கெல்லாம் தொழில்நுட்பம் எதுக்குங்க இ.கொ.? விமானப் பயணம் செய்ய ஆரம்பித்த போதே குட்டி வண்டி மூலமா விமானத்தின் மூக்கைப் பிடித்து பின்னாடி தள்றதை வச்சே அதை தெரிஞ்சுக்கிட்டாச்சு. ரியர் வியூ கண்ணாடி இல்லைங்கறதை வச்சும் ரிவர்ஸ் கியர் இல்லைன்னு புரிஞ்சுக்கிட்டாச்சு! :)

இந்த ரிவர்ஸ் கியர் இல்லைங்கற சமாசாரத்தை ஒரு நாலு வருஷத்துக்கு முன்னாடி எழுதின ஏதோ ஒரு பயணக்கட்டுரைல எழுதின நினைவு.

said...

சுந்தர், வாங்க. என்ன ரொம்ப நாளா பதிவே காணும் உங்க கிட்ட இருந்து.

//இதுக்கெல்லாம் தொழில்நுட்பம் எதுக்குங்க இ.கொ.?//

அந்த சின்ன கேள்வில ஆரம்பிச்சு ஒரு சின்ன அலசலே நடத்தியாச்சி இல்ல. விமான எஞ்சின், அப்புறம் அதில் போடப்படும் எரிபொருள் அப்படின்னு ஒரு சுத்து சுத்தினோம் பாருங்க. அந்த மாதிரி ஒரு ஆரோக்கியமான கலந்துரையாடலுக்குத்தான் இந்த தளமே.

//இந்த ரிவர்ஸ் கியர் இல்லைங்கற சமாசாரத்தை ஒரு நாலு வருஷத்துக்கு முன்னாடி எழுதின ஏதோ ஒரு பயணக்கட்டுரைல எழுதின நினைவு.//

இருக்கலாம் சுந்தர். நிறையா பேருக்கு தெரிஞ்ச விஷயம்தான். தெரியாதவங்களுக்கும் சொல்லலாமே அப்படின்னுதான் இங்க போட்டது. அதன் மூலம் எனக்கு தெரியாத விஷயங்கள் தெரிய வந்தது.

நீங்களும் இந்த மாதிரி சுவாரசியமான தகவல்கள் பத்தி பதிவுகள் எழுதித் தாருங்களேன். (அது முன்னமே உங்கள் பதிவில் வந்திருந்தால் கூட.) அதையும் போடுகிறோம்.

மொத்ததில் தகவல் தங்கவேல் அப்படின்னு இந்த தளத்துக்கு பேர் வரா மாதிரி பண்ணிடுங்க. அவ்வளவுதான். :)

said...

கொத்தனார் அவர்களுக்கு,

தங்கள் பதில்களுக்கு மிக்க நன்றி. உங்கள் கிட்ட சீரியஸ்-ஆன கேள்விக் கேக்கனும்னுதான் நினைச்சேன். ஆனா பாருங்க இங்க வந்தவுடனே மூடு மாறி போய் ஏதாவது கிண்டலா வந்திடுது. நீங்க பதில் சொல்றத பார்த்தா நிஜமாவே அறிவுப் பசியோடு Google-ல நீந்திகிட்டு இருக்கறீங்கப் போல.

சீரியஸான கேள்விகள் -

அ) இந்த microwave-ல தண்ணீர் சூடு பண்ணினா ஒரு stirrer வச்சிக்கோ, இல்லைனா ஆபத்து-ன்னு இமெயில்-எல்லாம் வர்றதே... அதைப்பற்றி கொஞ்சம் விளக்க முடியுமா?

(இந்த forwarded emails எல்லாம் நான் கொஞ்சம் ஜாக்கிரதையாகத்தான் படிக்கிறது கூகிள் ஆண்டவர் துணையோட. பலப்பல வருஷங்களாக தவறான தகவல்களுடன் (hoax emails) சுற்றிக் கொண்டிருக்கும். மேற்குறிப்பிட்ட தகவல் உண்மை என்று அறிகின்றேன்)

ஆ) இந்த coffee-day-ல hotspot மூலமாக கிடைக்கும் wi-fi network பற்றிக் கொஞ்சம் விளக்க முடியுமா? கேள்வி என்னவென்றால், ஒரு computer network-இல்லிருந்து இன்னொன்றிற்கு மாறும்போழுது, IP / Gateway / DNS எண்கள் எல்லாம் மாற்ற வேண்டியிருக்கிறது. Wi-Fi-ல மாற்ற வேண்டியதில்லையா?

இந்த மாதிரி நிறைய கேள்விகள் இருக்கு... ஒன்னொன்னா கேக்கறேன்...

said...

ஸ்ரீதர்,

நல்ல கேள்விகள்தான். விரைவில் பதில் எதிர்பாருங்கள்.

said...

1.இந்த தளத்தில் navigation இல்லையே, கொஞ்சம் பாருங்க!
2.கேள்விகள் கேட்க ஒரு தனிதளம் ஏற்படுத்திவிட்டால் நன்றாக இருக்கும். மின்னஞ்சலில் ஏற்கெனவே இந்த கேள்வியை யாராவது கேட்டிருப்பார்களா என்ற ஐயம் இருக்கும்.
3.Digg போன்ற பதிவர் மதிப்பிடும் முறையை பயன்படுத்தி சிறந்த பதிலை கொண்ட பதிவை கண்டறியலாம்.

said...

நல்ல தகவல்...
பின்னூட்டத்திலும் ...

இப்ப கேள்வி:

எல்லாருக்கும் தெரிஞ்சிருக்கலாம்.
ஆனால் நான் சமீப காலமாய்த்தான் இந்த வலைப்பக்கங்களில் உலாவுவதால் இந்த கேள்வி...

இலவசக்கொத்தனார்?

பெயர்க் காரணம் என்ன.?

said...

மணியன்,

எந்த விதமான navigation எதிர்பார்க்கிறீர்கள்? தனி மடல் ஒன்று அனுப்பி இருக்கிறேன். பார்க்கவும்.

நன்றி.

said...

மணி,

நீங்க பொழுது போகாம இருக்கும் போது நம்ம பழைய பதிவு எல்லாம் படியுங்க. ஒரு ரெண்டு சுட்டி மட்டும் தந்து இலவச விளம்பரம் பண்ணிக்கறேன். முதலில் இதைப் பாருங்கள். :D

சுட்டி 1

சுட்டி 2

said...

நான் ரொம்ப நாளா விக்கிபீடியால (இது originalங்க) சுத்திக்கிட்டு இருக்கிறதால நம்மள மாதிரி ஆட்கள கிண்டல் பண்ணித் தான் பதிவு போட்டிருக்காங்களோன்னு அரண்டு போய் வந்து பார்த்தேன்.பரவால விக்கி கொள்கைய நல்லாவே பரப்புறீங்க..தொடர்ந்து எழுதுங்க..கேள்விகளை மடலுக்கு அனுப்பச் சொல்லாம அத கேக்கிறதுக்குன்னே ஒரு பதிவப் போட்டா, அதுல நாங்க எல்லாம் பின்னூட்டமா கேள்வியத் தருவோம்..கேள்விகளும் எல்லார் பார்வைக்கும் இருக்கும்..இந்த இடுகை தலைப்பு கூட ஏதோ நக்கல் தலைப்போனு நினைச்சேன்..ஆனா, நெஞ்சத் தொட்டிட்டீங்க..ஒரு நல்ல விசயத்த எழுதினா நிச்சயமா எத்தன பேரு வந்து படிக்கிறாங்க பாருங்க..இத விட்டுட்டு நம்ம ஜனரஞ்சக அச்சு ஊடகங்கள் நமீதா இடுப்ப சுத்தியே வருதுங்க..கொஞ்ச நாளா தமிழ்மணம் பக்கம் வராம அசந்து போய் இருந்தேன்..இந்த மாதிரி பதிவுகள் நம்பிக்கை தருது..தொடர்ந்து எழுதுங்க..இத விக்கி முறையில் நீங்க செய்யுற ஒரே காரணதுக்காக கூட நான் உங்கப் பதிவ படிக்க வாரேன்..

said...

ரவிசங்கர்,

வருகைக்கு நன்றி.

//விக்கி கொள்கைய நல்லாவே பரப்புறீங்க..தொடர்ந்து எழுதுங்க..//

எங்களால் முடிந்த அளவு கட்டாயம் செய்வோம்.

//.கேள்விகளை மடலுக்கு அனுப்பச் சொல்லாம அத கேக்கிறதுக்குன்னே ஒரு பதிவப் போட்டா, அதுல நாங்க எல்லாம் பின்னூட்டமா கேள்வியத் தருவோம்..//

நிறையா பேரு இதைச் சொல்லிட்டீங்க. கலந்தாலோசித்து ஒரு பதில் சொல்லறோம்.

//இந்த இடுகை தலைப்பு கூட ஏதோ நக்கல் தலைப்போனு நினைச்சேன்..//

மக்களை வர வைக்கறதுக்காக கொஞ்சம் கவர்ச்சிகரமான தலைப்பு வைக்கறோம்.வாரயிதழ் அட்டைப் படத்தில் நடிகை போட்டோ போடறது மாதிரி.

//இத விக்கி முறையில் நீங்க செய்யுற ஒரே காரணதுக்காக கூட நான் உங்கப் பதிவ படிக்க வாரேன்..//

கட்டாயம் வாங்க. உங்களால் முடிந்த பதிவுகளையும் எழுதித்தாங்க. வெளியிடறோம். மீண்டும் நன்றி.

said...

//மணி,

நீங்க பொழுது போகாம இருக்கும் போது நம்ம பழைய பதிவு எல்லாம் படியுங்க. ஒரு ரெண்டு சுட்டி மட்டும் தந்து இலவச விளம்பரம் பண்ணிக்கறேன். முதலில் இதைப் பாருங்கள். :D
//

இலவச சுட்டிகளுக்கு நன்றி. பொழுது போதலை என்றாலும், இந்தச் சுட்டிகளை எட்டிப் பார்த்து உங்கள் பெயர்க் காரணத்தைக் கண்டு தெளிந்தேன். ஜென்ம சாபல்யம் அடைந்தது.

இந்த freemason பற்றி நம்ம Dan Browne எழுதினதைப் படித்திருக்கின்றேன். உங்கள் பதிவில் நிறையத் தகவல்கள். நன்றி!

இலவசப் பின்னூட்டங்களோடு, இலவசத் தகவல்கள் பல வைத்திருக்கிறீர்களே... ரொம்ப நன்றி...

said...

சதாம் ச்சீ சதம் அடிக்கலாம்னு முடிவா?

said...

//உங்கள் பெயர்க் காரணத்தைக் கண்டு தெளிந்தேன். ஜென்ம சாபல்யம் அடைந்தது.//

அப்பாடா. என்னங்க இவ்வளவு பெரிய சந்தேகத்தைத் தீர்த்து வெச்சு இருக்கேன். பொற்காசு எல்லாம் கிடையாதா?

//இலவசப் பின்னூட்டங்களோடு, இலவசத் தகவல்கள் பல வைத்திருக்கிறீர்களே... ரொம்ப நன்றி...//

நன்றி தலைவா. அடிக்கடி வந்து படிச்சு உற்சாகப் படுத்துங்க.

said...

//சதாம் ச்சீ சதம் அடிக்கலாம்னு முடிவா?//

வாங்க கார்மேகராஜா. சதாமை அடிக்கத்தான் நிறையா பேரு இருக்காங்களே.

நீங்க எல்லாம் கொஞ்சம் தூக்கி விட்டீங்கன்னா சதம் அடிக்கலாம். :)

said...

கொத்ஸ்,

நான் இன்னும் ஃபிளேட்லே போனதில்லே.... :-(((

said...

//நீங்க எல்லாம் கொஞ்சம் தூக்கி விட்டீங்கன்னா சதம் அடிக்கலாம். :) //

நான் ரெடி... நீங்க ரெடியா????

said...

என்ன ராம் இப்படி சொல்லறீங்க, நம்ம துறையில் எல்லாம் எப்பவும் பறந்து கிட்டு இருக்காங்க. (அட, ஆலா பறக்கறதை சொல்லலைங்க.) நீங்க என்னடான்னா இப்படிச் சொல்லறீங்க.

முதலில் வேலையை மாத்துங்க. :)

said...

//நான் ரெடி... நீங்க ரெடியா????//

நான் எப்பவுமே ரெடிதான். ஆனா விக்கி பசங்க பதிவுல ரொம்ப பி.க. பண்ணினா திட்டப் போறாங்க.

said...

//என்ன ராம் இப்படி சொல்லறீங்க, நம்ம துறையில் எல்லாம் எப்பவும் பறந்து கிட்டு இருக்காங்க. (அட, ஆலா பறக்கறதை சொல்லலைங்க.) நீங்க என்னடான்னா இப்படிச் சொல்லறீங்க.//

என்னா பண்ணுறது கொஞ்சம் கஷ்டமாதான் இருக்கு ஆனாலும் சொர்க்கமே'ன்னாலும் நம்ம ஊரைப் போல வருமான்னு டவுசர் ராமராஜன் பாடினதே திரும்ப நானு பாடிட்டு போயிருவேன்.

ஓ அதுக்கு பேருதான் புளிக்கும்'ன்னு சொல்லிக்கிற கதையோ!!!

//முதலில் வேலையை மாத்துங்க. :) //

கண்டிப்பா பண்ணணும்.

said...

வெண்பா வகுப்பு விக்கலயா? இல்ல விக்கி விக்கி செத்துப் போச்சா? இங்க விக்க வந்துட்டீங்க? இலவச கொத்தனாரே விக்க ஆரம்பிச்சா எப்படி? அப்புறம் எங்களை மாதிரி ஏழைங்க ( எழுத ஒண்ணுமே இல்லாதவங்க ) எப்படி பொழைக்கறதாம்? இலவச வெண்பா திட்டத்தை மீண்டும் தொடங்குங்க.

said...

//ஓ அதுக்கு பேருதான் புளிக்கும்'ன்னு சொல்லிக்கிற கதையோ!!!//

ஹிஹி.

//கண்டிப்பா பண்ணணும்.//

நல்ல வேலை வாங்குற கம்பெனியாப் பாத்து போங்க.:)

said...

//வெண்பா வகுப்பு விக்கலயா? இல்ல விக்கி விக்கி செத்துப் போச்சா?//

ஐயா, நீங்களே இப்படி எல்லாம் சொல்லலாமா?

// இங்க விக்க வந்துட்டீங்க? இலவச கொத்தனாரே விக்க ஆரம்பிச்சா எப்படி? அப்புறம் எங்களை மாதிரி ஏழைங்க ( எழுத ஒண்ணுமே இல்லாதவங்க ) எப்படி பொழைக்கறதாம்?//

இது புதுசா தொடங்குன ஒரு முயற்சி, அதனால வெண்பா, இலவசம் எல்லாம் கொஞ்சம் பிந்தங்கிப் போச்சு. நீங்களும் இங்க வந்து பதிவுகள் எழுதித் தரலாமே.

//இலவச வெண்பா திட்டத்தை மீண்டும் தொடங்குங்க.//
கட்டாயம் தொடங்குவேன். கொஞ்சம் நேரம் குடுங்க. இது மத்தவங்க எல்லாம் வந்து பங்கு கொள்ள ஆரம்பிச்ச உடனே அங்க வந்திடலாம். அதுவரை நீங்க இங்க வந்து எங்களுக்கு ஊக்கம் தரவேணும்.

said...

அடடா சிரிப்பான் போட மற்ந்துட்டேனா? விளையாட்டாத் தான் சொன்னேன். கோவிச்சக்காதீங்க. பதிவெல்லாம் எழுதற அளவு திறமை கிடையாது. ஆனா அப்பப்போ ஆட்டத்துல கலந்துக்கறேன்

said...

என்னங்க இப்படிச் சொல்லறீங்க. வெண்பா எல்லாம் புகுந்து விளையாடறீங்க. சும்ம உங்க துறை சார்பிலோ அல்லது வெண்பா பற்றியோ அல்லது உங்கள் மனதில் இருந்த ஒரு கேள்விக்கு நீங்கள் தேடி கண்டுபிடித்த பதில் பற்றியோ போடுங்கள்.

said...

என்ன கொத்ஸு,
ப்ளைட் பத்தின பதிவே டெஸ்டினேஷன போய்ச்சேராம ஸ்லோவாகிடுச்சு?

பார்வர்ட் த்ரஸ்டர்ஸ் சரியா வேலை செய்யுதா இல்லியா?

said...

ராம்ஸு, என்ன போட்டு வாங்கறீங்க? நம்ம டெஸ்டினேஷன் படிக்கறவங்க மனசுதானே!

அனானி எல்லாம் வராம 100 பின்னூட்டம் வந்திருக்கு. அப்புறம் என்ன!

said...

சரிங்க 100 வரலை. 99தான் வந்திருக்கு. போதுமா? இப்படி போட்டு வாங்கறீங்களே!

said...

அதான் நூறு வந்திடுச்சே

said...

100

said...

ப்ளோரையார், நீங்கதான் 100 போட்டது. இப்போ 100 வந்தாச்சுன்னு தைரியமா சொல்லலாம்.

said...

அப்பாடியா... நான் நூறாவது பின்னூட்டம் போட்டுட்டேன்...

said...

வெ.பை.,

மொய் மாதிரி நீங்க போட்ட பின்னூட்டம் 101!

விக்கி பசங்க அடிச்ச முதல் 100. இப்படி பல நூறு வர உங்கள் வாழ்த்துக்களும் ஆதரவும் வேணும்!

said...

//இலவசக்கொத்தனார் said...

வெ.பை.,

மொய் மாதிரி நீங்க போட்ட பின்னூட்டம் 101!

விக்கி பசங்க அடிச்ச முதல் 100. இப்படி பல நூறு வர உங்கள் வாழ்த்துக்களும் ஆதரவும் வேணும்! //

கொத்ஸ்,
உங்களுக்கு இல்லாத ஆதரவா???
கயமைத்தனம் பண்ணா அடுத்து யாரும் அதிகமா படிக்க மாட்றாங்கனுதான் அதிக பின்னூட்டம் போடறதை குறைச்சிக்கறேன் :-)

said...

//கயமைத்தனம் பண்ணா அடுத்து யாரும் அதிகமா படிக்க மாட்றாங்கனுதான் அதிக பின்னூட்டம் போடறதை குறைச்சிக்கறேன் :-)//

வெ.பை.

கயமைத்தனம் எல்லாம் இலவசத்துல வெச்சிக்கலாம். நான் சொல்ல வந்தது, இதுக்கு வந்து படிச்சி, கயமைத்தனம் இல்லாம பின்னூட்டம் போட்டு குடுக்கிற ஆதரவைப் பத்திதான்!

said...

Freemasonry பற்றியும் தெரிந்து கொண்டேன்,
உங்களின் பெயர்க்காரணமும் அறிந்தேன், தெளிந்தேன், வியந்தேன்..